प्रधानमन्त्री केपी शर्मा ओलीको अमेरिका भ्रमणको खर्च ४ करोड २९ लाख
सो रकम गत ४ असोजदेखि १४ असोजसम्म अमेरिका भ्रमणको हो
विश्व दैनिक |
पुष ७, काठमाडौं । प्रधानमन्त्री केपी शर्मा ओलीको अमेरिका भ्रमणमा राज्यकोषबाट ४ करोड २९ लाख ५८ हजार रुपैयाँ खर्च भएको छ ।
सो रकम गत ४ असोजदेखि १४ असोजसम्म अमेरिका भ्रमणको हो । अर्थ मन्त्रालयका अनुसार विशिष्ट व्यक्तिको भ्रमण खर्चका नाममा सो रकम बराबरको बजेट परराष्ट्र मन्त्रालयका नाममा अख्तियारी दिइएको छ ।
संयुक्त राष्ट्र संघको मूख्यालयमा आयोजित ७९ औं महासभामा भाग लिन प्रधानमन्त्री ओली नेतृत्वको प्रतिनिधिमण्डल अमेरिका गएको थियो । अर्थ मन्त्रालयले यस्तो खर्च अर्थ विविध शीर्षकमा राखेको रकमबाट दिने गरेको छ ।
