सर्लाहीमा एक महिलाको हत्या
४८ वर्षीय वीरबहादुरले मंसिर २८ गते राति ढुंगा प्रहार गर्दा बिष्णुमाया गम्भीर घाइते भएकी थिइन्
विश्व दैनिक |
पुष ७, काठमाडौं । सर्लाहीमा ढुंगा प्रहार गरेर एक महिलाको हत्या भएको आरोपमा प्रहरीले एक जनालाई पक्राउ गरेको छ ।
पक्राउ पर्नेमा सर्लाहीकै ईश्वरपुर नगरपालिका–१२ घारिबथान बस्ने ४८ वर्षीय बीरबहादुर मोक्तान छन् । उनले लालबन्दी नगरपालिका–१५ तीनतले देउराली बस्ने ६५ वर्षीया विष्णुमाया बम्जनको हत्या गरेको आरोप छ ।
४८ वर्षीय वीरबहादुरले मंसिर २८ गते राति ढुंगा प्रहार गर्दा बिष्णुमाया गम्भीर घाइते भएकी थिइन् । आइतबार लालबन्दीस्थित म्याक्स अस्पतालमा उपचारको क्रममा उनको आज मृत्यु भएको हो ।
विष्णुमायाको मृत्यु भएपछि वीरबहादुरलाई अस्थायी प्रहरी पोष्ट परवानीपुरबाट खटिएको प्रहरीले पक्राउ गरेको हो ।
