मोहन वैद्य अस्पताल भर्ना
श्वासप्रश्वासमा समस्या भएपछि ७८ वर्षीय वैद्यलाई त्रिवि शिक्षण अस्पताल महाराजगञ्जमा भर्ना गरिएको हो
विश्व दैनिक |
१२ पुस, काठमाडौं । क्रान्तिकारी कम्युनिष्ट पार्टी नेपालका महासचिव मोहन वैद्य किरण अस्पताल भर्ना भएका छन् । बिहीबार श्वासप्रश्वासमा समस्या भएपछि ७८ वर्षीय वैद्यलाई त्रिवि शिक्षण अस्पताल महाराजगञ्जमा भर्ना गरिएको हो ।
वैद्य बिहीबार माओ दिवसको अवसरमा आयोजित कार्यक्रममा सहभागी भएका थिए । उनलाई त्यसक्रममा स्वास्थ्यमा समस्या भएपछि अस्पताल लगिएको थियो । चिकित्सकहरूले भर्ना गरेरै उपचार गर्नुपर्ने भनेपछि उनलाई भर्ना गरिएको थियो ।
उनलाई गत वर्ष पनि त्रिवि शिक्षण अस्पतालमा करिब एक साता भर्ना गरेर उपचार गरिएको थियो ।
