झाँक्री प्रकाश भुजेलको गाडीले ठक्कर दिदा मोटरसाइकल चालकको मृत्यु

२८ कात्तिक, काठमाडौँ । काठमाडौँको शंखरापुर नगरपालिका–९ स्थित साँखु–थली सडक खण्डमा झाँक्री प्रकाश भुजेलको गाडीले ठक्कर दिदा मोटरसाइकल चालकको मृत्यु भएको छ । उपचारको क्रममा कागेश्वरी मनोहरा नगरपालिका–२ घर भएका नारायण नगरकोटीको ज्यान गएको हो ।
झाँक्री प्रकाश भुजेल आफैले चलाएको बा १९ च २६९५ नम्बरको गाडीले मोटरसाइकल लाइ ठक्कर दिएको थियो । घटना लगतै झाँक्री फरार भएका थिए ।
हाल उनलाई पक्राउ गरि प्रहरी वृत्त बौद्धमा राखिएको छ ।
उनको गाडीले बागमती प्रदेश–०२–०१८ प ६८७५ नम्बरको मोटरसाइकललाई ठक्कर दिएको थियो । मोटरसाइकलमा सवार चालककी पत्नी किसानुमाया नगरकोटी घाइते छिन् । उनको ग्राण्डी अस्पतालमा उपचार भइरहेको छ ।