कोशी, बागमती र गण्डकीका केही ठाउँमा हल्का पानी पर्ने सम्भावना
सुदूरपश्चिम, कर्णाली, लुम्बिनी र मधेश प्रदेशका भू–भाग भने आज मुख्यतय सफा रहने
विश्व दैनिक |
२९ पुस, काठमाडौं । आज मौसम पूर्वानुमान महाशाखाका अनुसार कोशी, बागमती र गण्डकी प्रदेशका पहाडी भू–भागका एक दुई स्थानमा छिटपुटदेखि हल्का वर्षाको सम्भावना रहेको छ ।
यी प्रदेशका उच्च पहाडी तथा हिमाली भू–भागका एक दुई स्थानमा हल्का हिमपातको पनि सम्भावना रहेको छ ।
सुदूरपश्चिम, कर्णाली, लुम्बिनी र मधेश प्रदेशका भू–भाग भने आज मुख्यतय सफा रहने महाशाखाले जनाएको छ ।
वर्षा र हिमपातको सम्भावना रहेका ठाउँमा जाडोले जनजीवन प्रभावित हुनसक्ने भएकोले आवश्यक सतर्कता अपनाउन अनुरोध गरिएको छ ।
