वीरगन्जमा ठूलो परिमाणमा चरेस बरामद, चालक फरार

२ माघ, काठमाडौं । वीरगन्जमा प्रहरीले ठूलो परिमाणमा चरेस बरामद गरेको छ। वीरगन्ज महानगरपालिका–१६ गणेश टोलबाट प्रहरीले १९ किलो ५०० ग्राम चरेस बरामद गरेको हो।

वडा प्रहरी कार्यालय विर्ताबाट खटिएको प्रहरी टोलीले विशेष सूचनाको आधारमा वीरगन्ज–१६ गणेश टोलको भित्री सडकबाट १३ वटा प्याकेटमा रहेको उक्त चरेस बरामद गरेको प्रहरी निरीक्षक निरोज चौलागाईले जानकारी दिए।

प्रहरी टोली गणेश टोलमा पुग्दा नम्बर खुल्न नसकेको मोटरसाइकलमा बोरामा चरेस लिएर जाँदै गरेका चालक भने फरार छन्। बरामद चरेस प्रहरी कार्यलयमा राखिएको र उनको खोजी भइरहेको प्रहरी निरीक्षक चौलागाईले जानकारी दिए।