काभ्रे बेथानचोकको गोरखनाथ सामुदायिक वनमा आगलागी
आगलागी भएको स्थान मानव बस्तीबाट टाढा रहेकाले हाललाई मानव बस्तीमा जोखिम भने देखिएको छैन ।
विश्व दैनिक |
४ चैत, काठमाडौं । काभ्रेपलाञ्चोकको बेथानचोक गाउँपालिका–३ बोल्देस्थित गोरखनाथ सामुदायिक वनमा आइतबार रातिदेखि आगलागी भएको छ ।
बेथानचोक गाउँपालिका–३ का वडाअध्यक्ष कुबेर ढकालले रातिको समयमा डढेलो देखिएकाले नियन्त्रणका लागि सम्भव नभएकाले बिहान नियन्त्रणको तयारी भइरहेको जानकारी दिए ।
आगलागी भएको स्थान मानव बस्तीबाट टाढा रहेकाले हाललाई मानव बस्तीमा जोखिम भने देखिएको छैन । उनका अनुसार प्रहरी, जनप्रनितिनिधि, वन उपभोक्ता समिति, जनसमुदाय सबैलाई खबर गरिएको छ ।
स्थानीय कमल नेपालका अनुसार उक्त वनमा २-३ किलोमिटर डढेलो फैलिएको छ । स्थानीय र प्रहरी घटनास्थल पुगेर निभाउने प्रयास गरिरहेको र त्यहाँको विस्तृत विवरण आउन बाँकी छ ।
