नेप्से परिसूचक २५ सय विन्दुमा झर्यो
जम्मा ४ कम्पनीको मूल्य बढ्दा २४० को घट्यो ।
विश्व दैनिक |
१२ चैत, काठमाडौं । सेयर बजारमा छाएको हरियाली एक दिन पनि नटिक्दै नेप्से परिसूचक उच्च अंकले घटेर बन्द भएको छ। मंगलबार सेयर बजारमा उच्च अंकको गिरावट आएको छ । अघिल्लो दिनको तुलनामा नेप्से परिसूचक ५८.०५ अंक (२.१९ प्रतिशत) घटेको हो । सो गिरावटपछि नेप्से २५८२ अंकमा कायम भएको छ ।
कारोबार रकम भने सोमबारको तुलनामा बढेको छ। सोमबार ४ अर्ब ४८ करोड मूल्यको सेयर कारोबार भएको थियो। सेयर बजारमा भारी अंकले गिरावट आउँदा नारायणी डेभलपमेन्ट बैंकका लगानीकर्ताले भने सर्वाधिक गुमाए। सो कम्पनीको सेयर ९.९७ प्रतिशतले घट्यो।
जम्मा ४ कम्पनीको मूल्य बढ्दा २४० को घट्यो ।
यस दिन सबै सेक्टर घटे । बैंकिङ १.४२, विकास बैंक २.९९, फाइनान्स ३.५०, होटल तथा पर्यटन २.७२, हाइड्रोपावर ३.३१, लगानी २.०८, जीवन बीमा २.२०, उत्पादन १.५०, माइक्रोफाइनान्स २.४९, निर्जीवन बीमा २.४६, अन्य १.८२ तथा व्यापार १.८५ प्रतिशत घटे ।
यस दिन मूल्य धेरै बढ्नेमा डिवेन्चर अगाडि रहे । एनसीसीडी ८६, केबीएलडी ८९को मूल्य ४ प्रतिशतभन्दा धेरै बढ्यो । नारायणी डेभलपमेन्ट बैंकको मूल्य ८.७ प्रतिशत घट्यो । सपोर्ट माइक्रोफाइनान्सको ७.३, इस्टर्न हाइड्रोको ७.१, सिन्धु विकास बैंकको ६.७ तथा विन नेपाल लघुवित्तको ६.७ प्रतिशत मूल्य घट्यो ।
