नेपाल प्रिमियर लिगको टिकट मूल्य सार्वजनिक
विश्व दैनिक |
१० मंसिर, काठमाडौं । नेपाल प्रिमियर लिगको टिकट मूल्य सार्वजनिक गरिएको छ।
क्यानले उद्घाटन, प्लेअप, फाइनल, नियमित खेल गरी छुट्टाछुट्टै टिकटको मूल्य राखेको छ। जस अनुसार उद्घाटन खेलको दिनमा जनरल तर्फको टिकट मूल्य ३०० रुपैंयाँ तोकिएको छ भने भीआईपीतर्फको टिकट मूल्य ७०० रुपैयाँ तोकिएको छ
लिग चरणको अन्य दिनका खेलहरूमा जनरल तर्फको टिकट मूल्य ३०० र भीआईपी टिकटको मूल्य ५०० रुपैयाँ तोकिएको छ ।त्यस्तै प्लेअप खेलमा साधारणतर्फ ५ सय र भीआईपीतर्फ ७ सय मूल्य तोकिएको छ भने फाइनलमा साधाणतर्फ ५ सय भीआईपीतर्फ एक हजार मूल्य तोकिएको छ।
पूरा सिजनका लागि टिकट किन्दा २० प्रतिशत छुटको व्यवस्था क्यानले गरेको छ। सिजनका लागि पास लिनुपर्दा साधारणतर्फ ४४८० र भीआईपतर्फ ८२४० रुपैयाँ तोकिएको छ। टियु क्रिकेट मैदानमा मंसिर १५ गतेदेखि नेपाल प्रिमिय लिग हुँदैछ। उद्घटन खेलमा विराटनर र जनकपुर भीड्नेछ।
