हाइटेन्सन तारबाट करेन्ट लागेर झापामा हात्ती मर्यो
सुँड र एउटा दारा जल्दा हात्ती घटनास्थलमै मरेको हो ।
विश्व दैनिक |
झापा : हाइटेन्सन तारबाट करेन्ट लागेर झापामा एउटा जंगली हात्ती मरेको छ ।
गएराति कमल गाउँपालिका ३ स्थित रतुवामाई वृक्षारोपण आयोजनाको जङ्गलमा करेन्ट लागेर एउटा जंगली हात्ती मरेको जिल्ला प्रहरी कार्यालय झापाका डीएसपी खगेन्द्रबहादुर खड्काले जानकारी दिए ।
बिजुलीको फलामको पोलमा धकेल्दा हाईटेन्सन तारमा पर्न गई हात्तीलाई करेन्ट लागेको थियो । सुँड र एउटा दारा जल्दा हात्ती घटनास्थलमै मरेको हो । कानुनी प्रक्रियाका लागि डिभिजन वन कार्यालय झापासँग समन्वय भइरहेको प्रहरीले जनाएको छ ।
