कीर्तिपुरमा एनपीएलको रौनक, कर्णाली याक्समा अनुबन्धित धवन पनि मैदानमा
पुस ६ गतेसम्म सञ्चालन हुने एनपीएलमा ८ फ्रन्चाइज टोली सहभागी
विश्व दैनिक |
१५ मंसिर, काठमाडौं । आजदेखि नेपाल प्रिमियर लिग (एनपीएल) सुरु हुन लागेपछि मैदान दर्शकले भरिएको छ ।
पुस ६ गतेसम्म सञ्चालन हुने एनपीएलमा ८ फ्रन्चाइज टोली सहभागी छन् । विदेशी खेलाडीहरु सबै टोलीमा सहभागी भएका छन् ।
त्रिवि क्रिकेट मैदानमा दर्शकको रौनक छाएको छ ।
पहिलोपटक हुन लागेको एनपीएलमा भारतीय क्रिकेटर शिखर धवनदेखि न्यूजिल्यान्डका मार्टिन गप्टिलसम्म नेपाल आएका छन् । विश्व चर्चित खेलाडीहरु सहभागी हुने भएकोले कीर्तिपुर मैदानमा दर्शकको घुइँचो लागेको हो ।
विराटनगर किंग्स र जनकपुर बोल्ट्स आज हुने उद्घाटन खेलमा भिड्दैछन् । कर्णाली याक्समा अनुबन्धित भएका धवन पनि यो खेल हेर्न मैदानमा पुगेका छन् ।
