प्रधानमन्त्री : चीन भ्रमण तयारीका कारण आजको खेल हेर्ने मौका पाउन सकिनँ
सबै खेलाडीलाई स्मरण गरेको बताउँदै ओलीले शुभकामना व्यक्त
विश्व दैनिक |
१५ मंसिर, काठमाडौं । आज हुने नेपाल प्रीमियर लिगको उद्घाटन खेल प्रधानमन्त्री केपी शर्मा ओलीले चीन भ्रमणको तयारीमा रहनु परेकाले हेर्ने मौका नपाएको बताएका छन्।
सामाजिक सञ्जाल फेसबुकमार्फत प्रधानमन्त्री ओलीले एनपीएलको आजको खेल हेर्न नपाउने भएको बताएका हुन्।
‘कीर्तिपुरको क्रिकेट मैदानमा आजदेखि नेपाल प्रिमियर लिग सुरु हुँदैछ। हाम्रो छिमेकी मित्रराष्ट्र चीन भ्रमणको तयारीमा रहनु परेकाले आज खेल हेर्ने मौका पाउन सकिनँ,एनपीएलमा सहभागी हुने ८ वटै फ्रेन्चाइज टोलीले उत्कृष्ट खेल्ने छन्’ उनले फेसबुकमा लेखेका छन् ।
सबै खेलाडीलाई स्मरण गरेको बताउँदै ओलीले शुभकामना व्यक्त गरेका छन्। धरहराबाट प्रधानमन्त्री ओलीले सोमबार बिहान एनपीएलको ट्रफी अनावरण गरेका थिए। ओलीले क्रिकेट युवा पुस्ताकोको गौरव बनेको बताएका थिए।
