पुलबाट हामफाल्न खाेज्ने ६४ वर्षीय वृद्धको उद्धार
इलाका प्रहरी मुग्लिनबाट खटिएको प्रहरी टोलीले ती वृद्धको उद्धार गरेको प्रहरी निरीक्षक प्रतीक सिंहले जानकारी दिए ।
विश्व दैनिक |
२० असार,काठमाडौं । चितवनको मुग्लिन र तनहुँको आँबुखैरेनी जोड्ने पुलबाट गोरखाको सिरानचोक गाउँपालिकाका ६४ वर्षीय वृद्धको उद्धार गरिएको छ ।
इलाका प्रहरी मुग्लिनबाट खटिएको प्रहरी टोलीले ती वृद्धको उद्धार गरेको प्रहरी निरीक्षक प्रतीक सिंहले जानकारी दिए ।
हाल काठमाडौं बस्ने ती वृद्ध पुलबाट हाम्फाल्न खोजेको अवस्थामा स्थानीयले उद्धार गरी प्रहरीलाई खबर गरेका थिए ।
ती वृद्धको आफन्तसँग सम्पर्क भइसकेको सिंहले जानकारी दिए ।
घटनाबारे थप अनुसन्धान भइरहेको उनले बताए ।
