प्रहरी टोलीले बिरामी बोक्ने एम्बुलेन्स चेकजाँच गर्दा लागुऔषध फेला
एम्बुलेन्सबाट अवैध लागुऔषध ओसार पसार हुन्छ भन्ने सूचना आएपछि चेक गर्दा विभिन्न परिमाणका लागू औषध भेटिएको
विश्व दैनिक |
२१ मंसिर, काठमाडौं । बिरामी बोक्ने एम्बुलेन्समा लागुऔषधसहित एक जना पक्राउ परेका छन्।
प्रहरी टोलीले बिरामी बोक्ने एम्बुलेन्स चेकजाँच गर्दा लागुऔषध फेला परेको हो।
काभ्रेपलाञ्चोकको रोशी गाउँपालिका ९ स्थित इलाका प्रहरी कार्यालय मंगलटारको प्रहरी टोलीले बिरामी बोक्ने एम्बुलेन्स चेकजाँच गर्दा लागुऔषध फेला परेको हो।
प्रहरीको ज १ च १९०८ नम्बरको एम्बुलेन्सबाट अवैध लागुऔषध ओसार पसार हुन्छ भन्ने सूचना आएपछि चेक गर्दा विभिन्न परिमाणका लागू औषध भेटिएको भनाई छ ।
बिपी राजमार्गको सडक हुँदै काठमाडौं जाँदै गरेको एम्बुलेन्सलाई प्रहरीले चेक जाँच गरेको थियो ।
जिल्ला प्रहरी कार्यालय, काभ्रेपलाञ्चोकका अनुसार, मंसिर २० गते राति शंकास्पद अवस्थामा ४४ वर्षीय सुरेश मिजार रहेको प्रहरीले जनाएको छ ।
प्रहरीले पक्राउ गरेका व्यक्तिको साथबाट विभिन्न प्रकारका लागुऔषध बरामद गरिएको छ। बरामद सामानहरूमा नोफिन २ मि.लि.का १००० भाइल, डाइजेपाम (२ मि.लि. का १००० भाइल, फेनरगन २ मि.लि( का १००० भाइल छ ।
प्रहरीले मिजारलाई नियन्त्रणमा लिएपछि उनको साथमा रहेको सवारी साधनसमेत जाँच गर्दा झोलाभित्र विभिन्न कम्पनीका लागू औषध फेला परेको थियो।
जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक मिन बहादुर घलेले लागू औषध नियन्त्रणका लागि स्थानीय नागरिकहरूलाई सतर्क रहन र कुनै शंकास्पद गतिविधि देखिएमा प्रहरीलाई जानकारी दिन आग्रह गरेको छ।
