बाजुरामा स्कारपियो दुर्घटना हुँदा दुई जनाको मृत्यु

२३ मंसिर, काठमाडौं । बाजुरामा स्कारपियो दुर्घटना हुँदा दुई जनाको मृत्युु भएको छ ।

प्रहरीले सदरमुकाम मार्तडीमा सुदूरपश्चिम प्रदेश ०१–००१ च ४३१६ नम्बरको स्कारपियो दुर्घटना हुँदा दुई जनाको मृत्यु भएको जनाएको छ ।

भीमदत्त नगरपालिका–१८ की ५२ वर्षीया राधिका भट्ट र ३१ वर्षीय गायत्री पन्तको मृत्युु भएको छ । पन्तको घटनास्थलमै र भट्टको उपचारका क्रममा मृत्यु भएको हो ।

दुर्घटनामा अन्य तीन जना घाइते भएका जानकारी आएको छ । घाइते हुनेमा बाजुराको गौमुल गाउँपालिकाका २५ वर्षीय रमेश धामी, कञ्चनपुरको भीमदत्त नगरपालिका–१७ का ३९ वर्षीय लोकेन्द्र पन्त र कञ्चनपुरको गुलरियाका मोहनदेव भट्ट रहेको प्रहरीले जनाएको छ ।

उनीहरूको जिल्ला अस्पताल बाजुरामा उपचार भइरहेको छ ।