नेप्से परिसूचक ४५ अंकले घट्यो
होटल्स र फाइनान्स समूहको उपसूचक सर्वाधिक ३ प्रतिशत बढीले घट्यो।
विश्व दैनिक |
२२ असोज, काठमाडौं । बुधबार सेयर बजारका सबै सूचक घटेका छन् । नेप्से परिसूचक अघिल्लो दिनको तुलनामा ४५.३६ अंक घट्यो । सो अंकको कमीपछि नेप्से २५५९ अंकमा कायम भएको छ ।
यसदिन ३३५ स्क्रिप्सको १ करोड ३७ लाख ४९ हजार ५०४ कित्ता सेयर ५ अर्ब ७६ करोड २७ लाख १ हजार ११० रुपैयाँमा खरिदबिक्री भए। आज कुनै पनि कम्पनीको सेयर सकारात्मक सर्किट लेभलमा कारोबार भएन। कारोबार रकमका आधारमा नेपाल रिइन्स्योरेन्स कम्पनी शीर्षस्थानमा रह्यो। सो कम्पनीको २६ करोड मूल्य बराबरको सेयर कारोबार भयो।
युनियन हाइड्रोपावरले २४ करोडको सेयर कारोबार गर्दा सिनर्जी पावर डेभलपमेन्टले २२ करोड,एनआरएन इन्फ्रास्ट्रक्चर एण्ड डेभलपमेन्टको १८ करोड र हिमालयन रिइन्स्योरेन्सको १७ करोड मूल्य बराबरको कारोबार भयो।
कारोबारमा आएकामध्ये १८ वटा स्टक्सको मूल्य बढ्दा २३२ वटाको घट्यो। एक स्टकको मूल्य भने स्थिर रह्यो। १३ वटा समूहको उपसूचक नकारात्मक देखिएका छन्। होटल्स र फाइनान्स समूहको उपसूचक सर्वाधिक ३ प्रतिशत बढीले घट्यो।
