दिल्लीमा प्रधानसेनापति सिग्देल र भारतीय सेनाध्यक्ष द्धिवेदीबीच भेटवार्ता
सिग्देलले दिल्लीस्थित राष्ट्रिय समर स्मारकमा पुष्प गुच्छा चढाई शहीदहरुप्रति श्रद्धान्जली समेत अर्पण गरे
विश्व दैनिक |
२७ मंसिर, काठमाडौं । नेपाली सेनाका प्रधानसेनापति अशोकराज सिग्देल र भारतीय स्थल सेनाध्यक्ष जनरल उपेन्द्र द्धिवेदीबीच भेट भएको छ ।
सैनिक मुख्यालय जंगी अड्डाले बुधबार भारतको औपचारिक भ्रमणमा रहेका सेनापति सिग्देल र द्धिवेदीबीच भेटघाट भएको बताए ।
साथै प्रधानसेनापति सिग्देलले भारतीय राष्ट्रिय सुरक्षा सल्लाहाकार अजित डोभल, चिफ अफ डिफेन्स स्टाफ जनरल अनिल चौहान, रक्षा सचिव, विदेश सचिवसँग पनि छुट्टाछुट्टै भेटघाट गरेका छन् ।
भारत भ्रमणमा रहेका सिग्देलले दिल्लीस्थित राष्ट्रिय समर स्मारकमा पुष्प गुच्छा चढाई शहीदहरुप्रति श्रद्धान्जली समेत अर्पण गरेका थिए ।
