दुबई पठाइदिन्छु भन्दै ४ लाख ठगी गर्ने आरोपमा एक जना पक्राउ
चित्रकारले पीडितसँग ४ लाख रुपैयाँ लिएको र त्यसपछि उनी सम्पर्कविहीन भएको भन्दै उजुरी दिएका थिए
विश्व दैनिक |
२८ मंसिर, काठमाडौं । दुबई पठाइदिन्छु भन्दै ठगी गरेको आरोपमा एक जना पक्राउ परेका छन् ।
पक्राउ पर्नेमा ललितपुरको महालक्ष्मी नगरपालिका ६ बस्ने ४६ वर्षीय मन्जित चित्रकार पक्राउ परेका छन् । उनलाई काठमाडौंबाट बिहीबार पक्राउ गरिएको प्रहरीले जनाएको छ ।
पीडितले प्रहरी समक्ष आकर्षक तलबमा दुबई पठाइ दिने भन्दै चित्रकारले पीडितसँग ४ लाख रुपैयाँ लिएको र त्यसपछि उनी सम्पर्कविहीन भएको भन्दै उजुरी दिएका थिए ।
सोही उजुरीको आधारमा पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ ।
