गायिका एलिना चौहानको डिभोर्सको हल्लाबीच ‘एक्लैपनि जिन्दगी चल्दो रहेछ’ सार्वजनिक

४ माघ, काठमाडौं । गायिका एलिना चौहानको नयाँ गीत सार्वजनिक भएको छ । उनले आफ्नै युट्युव च्यानलमार्फत ‘एक्लैपनि जिन्दगी चल्दो रहेछ’ बोलको गीत सार्वजनिक गरेकी हुन् । रोशन सिंहको शब्द, रचना रहेको गीतमा संगित विशाल निरौलाले भरेका छन् ।

गायिका एलिना चौहान वैवाहिक सम्बन्धको कुरालाई लिएर लगातार चर्चामा छिन् । वैवाहिक जीवनमा दरार आएको भन्ने चर्चाले अहिले सामाजिक सञ्जाल तातेको देखिन्छ ।

वैशाख ५ गते उनले बागलुङका विष्णु सापकोटासँग धुमधामले विवाह गरेकी थिइन् । त्यसको एक वर्ष नबित्दै उनको विवाह चिसिएको हल्ला यसअघि नै चलेको थियो । अहिले डिभोर्सको हल्लाबीच एलिनाले नयाँ गीत ल्याएकी छिन् । ।