काठमाडौं उपत्यकामा आंशिक बदली, तराईमा हुस्सु
तराईका धेरै स्थानमा हुस्सु लाग्ने र त्यसबाट दैनिक जनजीवन, कृषि, स्वास्थ्य, यातायात तथा हवाई उड्डयनमा असर पर्नसक्ने
विश्व दैनिक |
१६ माघ, काठमाडौं । जल तथा मौसम विज्ञान विभागले तराईका धेरै स्थानमा हुस्सु लागेको जनाएको छ । हुस्सु केही दिन कायम रहने सम्भावना छ ।
तराईका धेरै स्थानमा हुस्सु लाग्ने र त्यसबाट दैनिक जनजीवन, कृषि, स्वास्थ्य, यातायात तथा हवाई उड्डयनमा असर पर्नसक्ने भएकाले सम्बद्ध सबैलाई सतर्कता अपनाउन मौसमविदले अनुरोधसमेत गरेका छन् ।
मौसमविद् रोजन लामिछानेका अनुसार आज अपराह्नसम्म काठमाडौं उपत्यकामा आंशिक बादल लाग्ने सम्भावना छ । त्यसैले केही चिसो अनुभव हुने छ ।
कोशी, बागमती, गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भागका एक–दुई स्थानमा हल्का हिमपातको सम्भावना छ ।
