दुर्गा प्रसाईंलाई पक्राउ गर्ने तयारी
तीनकुनेको सभा बिथोलिएपछि शुक्रबार दिउँसो बीएबी ४२०८ नम्बरको गाडी आफैंले चलाएर प्रसाईं प्रदर्शन भीडबाट बाहिरिएका थिए ।
विश्व दैनिक |
१५ चैत, काठमाडौं । तीनकुने प्रदर्शनमा जनकमान्डर तोकिएका दुर्गा प्रसाईंलाई प्रहरीले पक्राउ गर्ने तयारी गरेको छ ।
प्रसाईंले नेतृत्व गरेको आन्दोलनले हिंसात्मक रूप लिएपछि उनलाई पक्राउ गर्ने निष्कर्षमा प्रहरी पुगेको हो ।
तीनकुनेको सभा बिथोलिएपछि शुक्रबार दिउँसो बीएबी ४२०८ नम्बरको गाडी आफैंले चलाएर प्रसाईं प्रदर्शन भीडबाट बाहिरिएका थिए ।
गृह मन्त्रालयले शुक्रबार साँझ आयोजना गरेको पत्रकार सम्मेलनमा समेत सहसचिव छविलाल रिजालले उनलाई कारबाहीको दायरामा ल्याइने बताएका छन् ।
नेपाल प्रहरीका एक उच्च अधिकृतले प्रसाईंको खोजी भइरहेको पुष्टि गरेका छन् ।
