भोलि काठमाडौंका कुनकुन ठाउमा हुदैछ प्रदर्शन

६ मंसिर, काठमाडौं । शुक्रबार काठमाडौंमा बिभिन्न तिन थरिका समुहले प्रदर्शन गर्ने कार्यक्रम रहेको छ । नेकपा एमालेले दरबारमार्गमा प्रदर्शन गर्दैछ । काठमाडौंको कोटेश्वर, सातदोबाटो, कलंकी, बालाजु लगाएतका ठाउबाट सुरुहुने जुलुस दरबारमार्ग भेलाभइ कोणसभामा परिणत हुने बताइएको छ ।
तेस्तै भोलिनै सहकारी पिडितहरुको समुह सहकारि बचतकर्ता संरक्षण राष्ट्रिय अभियान (महासंघ) ले बिगत दुई दिनदेखि जारी राखेको आफ्नो आन्दोलनलाई
शुक्रबार पनि निरन्तरता दिने भएका छन् । उनीहरुको प्रदर्शन माइतीघरमा हुनेछ । सहकारी ठगीमा संलग्नहरुमाथि छानबिन र कारवाही हुनुपर्ने अनि पीडितहरुको बचत फिर्ता हुनुपर्ने उनीहरुको मुख्य माग छ ।
यता, दुर्गा प्रसाई समर्थकहरुले पनि शुक्रबार काठमाडौंको कोटेश्वरमा प्रदर्शन गर्ने तयारी गरेका छन् । राष्ट्र, राष्ट्रियता, धर्म, संस्कृति र नागरिक बचाउ महाभियानको नाम दिएर उनका समर्थकहरुले प्रदर्शन गर्न लागेका हुन् ।