एमाले संसदीय दलको बैठक आज बस्दै
नेपाली कांग्रेस संसदीय दलको बैठक पनि सोही समयमा नयाँ बानेश्वरस्थित संसद भवनको ल्होत्से हलमा बस्ने भएकाले एमालेले बालुवाटारमा बैठक बोलाएको जनाएको छ।
विश्व दैनिक |
नेकपा एमालेको संसदीय दलको बैठक आज बस्ने भएको छ। एमालेका अध्यक्ष एवम् संसदीय दलका नेता केपी शर्मा ओलीले आज दिउँसो १ बजे बालुवाटारमा बस्ने गरी संसदीय दलको बैठक बोलाएको नेकपा एमालेका मुख्य सचेतक महेश बर्तौलाले जानकारी दिए।
नेपाली कांग्रेस संसदीय दलको बैठक पनि सोही समयमा नयाँ बानेश्वरस्थित संसद भवनको ल्होत्से हलमा बस्ने भएकाले एमालेले बालुवाटारमा बैठक बोलाएको जनाएको छ।
बर्तौलाका अनुसार बैठकमा सरकारले शुक्रबार संसदमा पेश गरेको नीति तथा कार्यक्रमको समीक्षा, संसद्मा एमालेका सांसदको भूमिका र समसामयिक राजनीतिक विषयमा छलफल हुनेछ। बैठकमा प्रधानमन्त्रीसमेत रहेका ओलीले सांसदहरूलाई आवश्यक निर्देशन दिनेछन्।
