सिन्धुलीमा स्कूल भ्यान दुर्घटना, १७ जना बालबालिका घाइते
भ्यान आफैँ अनियन्त्रित भइ दुर्घटना भएको हो ।
विश्व दैनिक |
सिन्धुलीको तिनपाटन गाउँपालिका-२ भिमस्थानमा विद्यार्थी बोकेको स्कुल भ्यान दुर्घटना हुँदा १७ जना बालबालिका घाइते भएका छन् ।
तिनपाटन गाउँपालिका -२ स्थित भिमस्थानस्थित गैरिशंकर बोडिङ्ग स्कुलको ना १ झ ६३०२ नम्बरको विद्यार्थी बोकेको भ्यान दुर्घटना हुदाँ १७ जना घाइते भएका हुन् ।
जिल्ला प्रहरी कार्यालय सिन्धुलीका प्रहरी उपरिक्षक लालध्वज सुवेदीका अनुसार घाइतेमध्ये ६ जना विद्यार्थीको अवस्था मध्यम छ । उनीहरुलाई उपचारको लागि सिन्धुली अस्पताल ल्याइँदैछ । अन्य घाइतेको भिमस्थान स्वास्थ्य चौकीमा उपचार जारी छ ।
भ्यानमा २५ जना सवार रहेका थिए । भ्यान आफैँ अनियन्त्रित भइ दुर्घटना भएको हो । थप अनुसन्धान भइरहेको प्रहरी उपरीक्षक सुवेदीले जानकारी दिए।
