काठमाडौंको सिग्मा कलेजको क्यान्टिनमा आगलागी
आगलागीले क्यान्टिनका सामान जलेर नष्ट हुँदा करिब ३ लाख रुपैयाँ बराबरको क्षति भएको प्रारम्भिक अनुमान छ।
विश्व दैनिक |
काठमाडौं महानगरपालिका–१६ सोह्रखुट्टेस्थित सिग्मा कलेजको क्यान्टिनमा बुधबार बिहान आगलागी भएको छ। ग्यास लिक भएर भएको उक्त आगलागीले क्यान्टिनका सामान जलेर नष्ट हुँदा करिब ३ लाख रुपैयाँ बराबरको क्षति भएको प्रारम्भिक अनुमान छ।
आगलागीको खबर प्राप्त हुनासाथ सशस्त्र प्रहरी बल नेपाल नं. २४ बाघभैरव गुल्म काठमाडौंबाट सशस्त्र प्रहरी नायब उपरीक्षक अशोक कुमार न्यौपाने र काठमाडौं महानगरपालिका वारुणयन्त्र कार्यालय न्यूरोडबाट सशस्त्र प्रहरी नायब निरीक्षक धन बहादुर सुवेदीको कमान्डमा खटिएको टोलीले नेपाल प्रहरी, दमकल र स्थानीयवासीको सहयोगमा आगलागी नियन्त्रणमा लिएको थियो।
आगलागी बिहान करिब ८ बजे पूर्ण रूपमा नियन्त्रणमा आएको सशस्त्र प्रहरीका सह–प्रवक्ता डिएसपी शैलेन्द्र थापाले जानकारी दिए।
