दाङमा बस दुर्घटना हुँदा २१ जना घाइते, बस चालक फरार

१४ मंसिर, काठमाडौं । दाङमा बस दुर्घटना हुँदा २१ जना घाइते भएका छन् ।

प्रहरीले रा १ ख १३८२ नम्बरको बस सदरमुकाम घोराहीबाट तुलसीपुर जाँदै गरेको बिजौरीको डाँडागाउँनेर दुर्घटना हुँदा २१ जना घाइते भएका र ३ जनाको अवस्था गम्भीर रहेको जनाएको छ ।

जिल्ला प्रहरी कार्यालय दाङका डिएसपी ईश्वर थापाले घाइतेहरुको राप्ती प्रादेशिक अस्पताल तुलसीपुरमा उपचार भइरहेको जानकारी दिए ।

घोराही १० का बस चालक मनोज चौधरी फरार छन् भने बस सडकबाट करिब तीन मिटर तल खसेको छ ।