रोल्पामा झोलुङ्गे पुलको पर्खाल भत्किँदा ४ जनाको मृत्यु
विश्व दैनिक |
१६ मंसिर, काठमाडौं । आज बिहान ९ः५० बजे रोल्पामा निर्माणाधीन झोलुङ्गे पुलको पर्खाल भत्किँदा चार जनाको मृत्यु भएको छ ।
सुनछहरी गाउँपालिका वडा नम्बर ३ मा पर्खाल भत्किएर पुरिँदा मृत्यु हुनेमा ४५ वर्षीय दुजमन परियार, ३१ वर्षीय ओम परियार, ४० वर्षीया सुबित्रा परियार र २७ वर्षीया आईती परियार रहेका छन् ।
प्रहरी इन्सपेक्टर विजय चापागाईंले आज बिहान ९ः५० बजे सो घटना भएको जानकारी दिए ।
