नेपाल जनरल मार्केटिङ ब्याज पनि तिर्न नसक्ने अवस्थामा , बैंकले निकाल्यो लिलामी
ऋणको साँवा ब्याज तिर्नका लागि पटक पटक ताकेता गरिए पनि नआएकाले कानुन बमोजिम घरजग्गा लिलामी गर्न लागिएको बैंकले जनाएको छ ।
विश्व दैनिक |
काठमाडौं । व्यवसायिक घराना ज्योति ग्रुप अन्तर्गत नेपाल जनरल मार्केटिङ एकपछि अर्को संकटमा फस्दै गएको छ ।
दुई वर्षअघि मात्रै चर्चित मोटरसाइलक ब्राण्ड हिरोको डिलरशिप गुमाएको जनरल मार्केटिङ अहिले बैंकबाट लिएको ऋण समेत तिर्न नसक्ने अवस्थामा पुगेको हो । हाल हिरोको मोटरसाइक चौधरी ग्रुप अन्तर्गतको सीजी मोटर्सले बिक्री गरिरहेको छ ।
ऋणको साँवा ब्याज तिर्नका लागि पटक पटक ताकेता गरिए पनि नआएकाले कानुन बमोजिम घरजग्गा लिलामी गर्न लागिएको बैंकले जनाएको छ ।
बैंकका अनुसार उनीहरुको नाममा रहेको काठमाडौंको वडा नं. ३० स्थित कित्ता नं. २३०९ को सवा ४ रोपनी क्षेत्रफलको घरजग्गा लिलामी गर्न लागिएको हो ।
