चितवन राइनोजको विजयी सुरुवात
चितवनले काठमाडौं गुर्खाजलाई ५ विकेटले पराजित गर्दै २ अंक जोडेको
विश्व दैनिक |
१७ मंसिर, काठमाडौं । आइतबार भएको पहिलो खेलमा चितवन राइनोजले नेपाल प्रिमियर लिग (एनपीएल) मा विजयी सुरुवात गरेको छ ।
चितवनले काठमाडौं गुर्खाजलाई ५ विकेटले पराजित गर्दै २ अंक जोडेको हो ।
पहिले ब्याटिङ गरेको काठमाडौंले दिएको ११२ रनको लक्ष्य चितवनले १७ ओभर खेल्दै ५ विकेट गुमाएर पूरा गरेको हो ।चितवनक लागि सन्तोष कार्कीले अविजित रहँदै सर्वाधिक २८ रन बनाए । सन्तोषले ३१ बल खेल्दै २ चौका र १ छक्का प्रहार गरे । लुक बेन्केन्सटेइनले २२ रन योगदान गरे । शरद भेषावकर ११ रनमा अविजित रहे ।
कप्तान कुशल मल्ल, रिजन ढकाल, ल्यूक मार्टिन बेनकेन्स्टाइन र अमंरसिंह रौटेलाले एकएक विकेट लिए ।
काठमाडौंका लागि शाहब आलमले ३ विकेट लिएपनि चितवनलाई जितबाट रोक्न पर्याप्त भएन ।
