बागलुङमा जीप दुर्घटना, पाँच जनाको मृत्यु

२६ सोमबार, काठमाडै – आज बिहान बागलुङको जैमिनी नगरपालिकामा जीप दुर्घटना हुँदा पाँच जनाको घटनास्थलमै मृत्यु हुनुको साथै एक जानको जिवितै उद्धार गरीएको छ ।
प्रहरीका अनुसार जैमिनी नगरपालिका–८ छिस्तीबाट सदरमुकाम बागलुङ बजार आउँदै गरेको ग २ च ९२४७ नम्बरको पीकअप भ्यान जीप जैमिनी–७ जैदीको व्यार्थला नजिकै दुर्घटना हुँदा पाँच जनाको घटनास्थलमै मृत्यु भएको छ ।
मृत्युहुने हरुमा पिकअप भ्यान चालक जैमिनी८ केवईका ३८ बर्षीय महेन्द्र पुन,सोही स्थानका २० बर्षीया रश्मी श्रीष, ५० वर्षीया नन्दकली पुन, १७ वर्षीय निरज श्रीष र ७५ वर्षीय कुलप्रसाद श्रीष रहेको जिल्ला प्रहरी कार्यालयका प्रहरी निरीक्षक एवं सुचना अधिकारी केशव थापाले जानकरी दिए । ग२च९२४७ पिकअप भ्यान सडकदेखि १०० मिटरभन्दा तल खसेको थियो ।