एनपीएल मा आज पोखरा भर्सेस जनकपुर र काठमाडौं भर्सेस सुदूरपश्चिम

२० मंसिर, काठमाण्डौ । नेपाल प्रिमियर लिग एनपीएल मा आज दुई वटा खेल हुँदैछन् । कीर्तिपुरस्थित त्रिवि मैदानमा पहिलो खेल बिहान ९ः१५ बजे पोखरा एभेन्जर्सले जनकपुर बोल्ट्ससँग खेल्नेछ। यसअघि पोखरा चितवन राइनोजसँग पराजित भएको टोली हो भने जनकपुरले अहिलेसम्म खेलेका दुईवटै खेल जितेको छ ।
दिउँसो सवा १ बजे हुने दोस्रो खेल काठमाडौं गोर्खाज् र सुदूरपश्चिम रोयल्सबीच हुनेछ। यसअघि जनकपुरसँग हारेको काठमाण्डौले हिजो कर्णाली याक्सलाई पराजित गरेको छ । सुदूरपश्चिम भने विराटनगर किंग्सलाई हराएको टोली हो ।