गढीमाई मेलास्थलबाट दुई थान पेस्तोल सहित एक युवक पक्राउ
गढीमाई मेलास्थलमा हतियार देखाउँदै झै–झगडा गरिरहेको अवस्थामा सहनीलाई पक्राउ
विश्व दैनिक |
२४ मंसिर, काठमाडौं । आइतबार साँझ गढीमाई मेलास्थलबाट प्रहरीले दुई थान पेस्तोल सहित एक युवकलाई पक्राउ गरेको छ ।
बलरा नगरपालिका–६, मिर्जापुर निवासी इन्दल सहनीका अन्दाजी १८ वर्षीय छोरा गोलु भनिने अमरजितकुमार सहनीलाई दुई थान पेस्तोलसहित प्रहरीले पक्राउ गरेको हो ।
इलाका प्रहरी कार्यालय बलराबाट खटिएको प्रहरी वरिष्ठ नायब निरीक्षक दीपेन्द्र मल्लको टोलीले गढीमाई मेलास्थलमा हतियार देखाउँदै झै–झगडा गरिरहेको अवस्थामा सहनीलाई पक्राउ गरेको हो ।
सहनीका साथबाट प्रहरीले एक थान चाइनिज पेस्तोल र एक थान नलकटुवा पेस्तोल बरामद गरेको जनाएको छ ।
