काभ्रेबाट आधा किलो सुनसहित २ जना पक्राउ
कारका चालक बसन्त र कारमा सवार अमृतलाई सुनसहित पक्राउ
विश्व दैनिक |
२४ मंसिर, काठमाडौं । काभ्रेको बनेपा नगरपालिका–१३ साँगा चोकबाट ५ सय ५८ ग्राम सुनसहित २ जनालाई प्रहरीले पक्राउ गरेको छ ।
पक्राउ पर्नेहरूमा रोशी गाउँपालिका–९ बस्ने ३८ वर्षीय बसन्त लामा र रामेछाप मन्थली नगरपालिका–१ बस्ने २९ वर्षीय अमृत श्रेष्ठ रहेका छन् ।
आइतबार साँझ जिल्ला प्रहरी कार्यालय काभ्रेबाट खटिएको प्रहरीले उनीहरूलाई पक्राउ गरेको हो ।
बीएबी ८६०८ नम्बरको कार काठमाडौंबाट बनेपातर्फ जाँदै गरेको अवस्थमा जाँच गर्ने क्रममा कारको सिट मुनी प्लास्टिकको झोलामा लुकाई छिपाई राखेको प्रहरीले उक्त सुन बरामद गरेको हो ।
कारका चालक बसन्त र कारमा सवार अमृतलाई सुनसहित पक्राउ गरेको हो ।
