रौतहटको चन्द्रनिगाहपुरमा स्कार्पियो दुर्घटना हुँदा आठ जनाको मृत्यु ५ घाइते

२५ मंसिर, काठमाण्डौ  । बाराको पञ्चवर्षीय मेलाबाट सिरहा फर्किन लागेको स्कार्पियो रौतहटको चन्द्रनिगाहपुरमा दुर्घटना हुँदा आठ जनाको मृत्यु भएको छ । दुर्घटनामा ५ जना घाइते भएका छन्।
मध्यराति १ बजेतिर चन्द्रपुर नगरपालिका–४ स्थित पूर्वपश्चिम राजमार्गको धन्सार(लमाहा) खण्डमा बा१६च ३१६२ नम्बरको स्कार्पियो दुर्घटना हुँदा आठ जनाको मृत्यु भएको जिल्ला प्रहरी कार्यालयका डिएसपी दीपककुमार रायले जानकारी दिए।
दुर्घटनामा सिरहा अर्नामा गाउँपालिका वडा नम्बर ३ का ६० वर्षीया लरुवदि देवी महरा, ३० वर्षीया उर्मिला देवि महरा, ५० वर्षीया रामकुमारी देवि महरा, ५५ वर्षीया महङ्गी देवि महरा, ६२ वर्षीया फुलबन्ती देवि चमार, ६० वर्षिया रामकुमारी देवि महरा ३० वर्षीया सकुन्तला देवि महरा र सोही गाउँपालिकाको वडा नम्बर ५ बलुवा टोलका स्कार्पियो चालक वर्ष ४०को शिव कुमार यादवको ज्यान गएको प्रहरीले जनाएको छ ।
दुर्घटनामा पाँच जना घाइते भएका र घाइते सबैको पर्साको बिरगंज स्थित बयोधा अस्पतालमा उपचार भइरहेको  छ ।
मृतक आठै जनाको शव चपुरस्थित सरकारी अस्पतालमा पुर्‍याइएको छ। गाडी जिल्ला ट्राफिक प्रहरी कार्यालय चपुरमा लगिएको छ।