कर्णालीविरुद्ध पोखराले टस जितेर पहिले ब्याटिङ गर्दै
पोखराले टस जितेर ब्याटिङ रोजेको हो
विश्व दैनिक |
२५ मंसिर, काठमाडौं । कीर्तिपुरमा जारी नेपाल प्रिमियर लिग (एनपीएल)मा कर्णाली याक्सविरुद्ध पोखरा एभेन्जर्सले पहिले ब्याटिङ गरेको छ ।
पोखराले टस जितेर ब्याटिङ रोजेको हो ।
पोखरा पहिलो खेलमा चितवनसँग ८७ रनले र दोस्रो खेलमा जनकपुरसँग सात विकेटले पराजित भएको थियो । तेस्रो खेलमा पोखराले लुम्बिनी लायन्सलाई १० विकेटले हराएको थियो ।
पोखरा एभेन्जर्स दुई अङ्कसहित पाँचौं स्थानमा छ ।
कर्णाली याक्सले चार खेलमा दुईमा जित र दुईमा हार बेहोर्दै चार अङ्क जोडेको छ । कर्णाली चौथो स्थानमा छ ।
बिहान भएको खेलमा लुम्बिनीले चितवनलाई ३३ रनले पराजित गर्दै पहिलो जित निकालेको थियो ।
यो आजको दोस्रो खेल हो ।
