पुर्व मन्त्री संलग्न जापान मानवतस्करीमा थप दुई पक्राउ

२७ कात्तिक, काठमाडौं । जापानमा मानवतस्करीमा संलग्न थप दुई जनालाई प्रहरीले पक्राउ गरेको छ । नक्कली छाप तथा परिचयपत्र बनाउन संलग्नलाई काठमाडौं प्रहरीले सोमबार पक्राउ गरेको हो ।
कोशी प्रदेशका पूर्वमन्त्री लिलाबल्लभ अधिकारीसहितलाई प्रहरीले पक्राउ गरी अनुसन्धान गरिरहेको छ । यसमा ठूलो गिरोहको संलग्नता देखिएको प्रहरी अधिकारी बताउँछन् ।
हालसम्म नौ जना पक्राउ परिसकेका छन् भने थप तीन जनाको संलग्नता पुष्टि भएको छ । कोशीको आन्तरिक मामिला तथा कानून मन्त्रालयको परिचयपत्र बनाएर थप तीन जनालाई मन्त्री अधिकारीसँगै जापान तस्करी गर्ने प्रयास भएको थियो ।
तर, जापानको अध्यागमनले फर्काइदिएपछि घटना बाहिर आएको हो ।