कुवेतविरुद्ध कप्तान पूजाको अलराउण्ड प्रदर्शनमा नेपालको सानदार जित

२७ कात्तिक, काठमाडौं ।यूएईमा जारी आईसीसी यू १९ महिला टी २० विश्वकप छनोट अन्तर्गत  आफ्नो चौथो खेलमा नेपालले कुवेतलाई १६५ रनले पराजित गरेको छ ।
कप्तान पूजा महतोको सानदार अलराउण्ड प्रदर्शनमा नेपालले फराकिलो जित हात पारेको हो । २१४ रनको विशाल लक्ष्य पछ्याएको कुवेतलाई नेपालले ४८ रनमै रनमा अलआउट गर्‍यो ।
नेपालकी कप्तान महतोले ४ ओभरमा एक मेडन रख्दै ८ रन दिएर ५ विकेट लिइन् । नेपालकी रचना कुमारी र सीमाना केसीले दुईदुई विकेट लिएका छन्।
प्रतियोगितामा पाँचमध्ये ४ खेल जितेको नेपालले यसअघि यूएईसँग मात्रै पराजित भएको छ । अब यूएईसँग बुधबार अन्तिम खेल खेल्ने छ ।
चार टोली सहभागी छनोट प्रतियोगितामा डबल राउण्ड रोविनका आधारमा खेल भइरहेको छ र शीर्ष स्थानमा रहने टोली मात्र यू(१९ महिला टी(२० विश्वकपमा छनोट हुनेछ ।
बुधबारको खेलमा नेपाल विजयी भएमा विश्वकपमा छनोट हुनेछ ।