नेप्से परिसूचक सामान्य अंकले बढ्यो
अघिल्लो दिन ५ अर्ब ६७ करोडको कारोबार भएकोमा आज ३ अर्ब ५९ करोडमा खुम्चियो
विश्व दैनिक |
१७ पुस, काठमाडौं । आज बुधबार सेयर बजार ५.१० अंक बढेको छ । बुधबार नेप्से परिसूचक ५.१० अंकले बढेर २५८१ विन्दुमा अडिएको छ। बजारको अंक बढे पनि कारोबार रकम घटेको छ ।
अघिल्लो दिन ५ अर्ब ६७ करोडको कारोबार भएकोमा आज ३ अर्ब ५९ करोडमा खुम्चियो ।
कुल १५० कम्पनीको मूल्य बढ्दा ८८ को घट्यो भने ४ को स्थिर रह्यो ।
बैंकिङ सेक्टर सबैभन्दा धेरै ०.७२ प्रतिशत घट्यो ।
फाइनान्समा फेरि आकर्षण देखिएको छ । अघिल्लो दिन सबैभन्दा धेरै ५ प्रतिशत घटेको यो सेक्टर यस दिन ३.८७ प्रतिशत बढ्यो ।
