नेकपा बहुमतले शुक्रबार महाअधिवेशन गर्दै
महाधिवेशन शुक्रबार दिउँसो सवा ११ बजे काठमाडौंको जमलस्थित राष्ट्रिय नाचघरमा उद्घाटन हुने
विश्व दैनिक |
३ माघ, काठमाडौं । नेपाल कम्युनिष्ट पार्टी (बहुमत)ले शुक्रबार महाधिवेशन गर्दैछ ।
प्रचार–प्रसार इन्चार्ज गुणराज लुइटेलले महाधिवेशन शुक्रबार दिउँसो सवा ११ बजे काठमाडौंको जमलस्थित राष्ट्रिय नाचघरमा उद्घाटन हुने जानकारी दिए ।
महाधिवेशनमा वैचारिकरुपमा वैज्ञानिक समाजवादको कार्यदिशा, राजनीतिकमा स्वाधीन संयुक्त सरकार, त्यसको सारमा राज्यप्रणाली, आर्थिक संरचनालगायतका विषयमा छलफल हुने धर्मेन्द्र बास्तोला कन्चनले जानकारी दिए ।
विप्लव नेतृत्वको नेपाल कम्युनिष्ट पार्टीबाट छुट्टिएको बहुमतले यो महाधिवेशनलाई नवौं भनेको छ ।
