संसदको राज्यव्यवस्था समितिको बैठक स्थगित, भोलि बस्ने
संघीय निजामती सेवा विधेयकमा छलफल गर्न बस्ने भनिएको संसदको बैठक स्थगित भएको हो
विश्व दैनिक |
९ माघ, काठमाडौं । आज बस्ने भनिएको संसदको राज्यव्यवस्था समितिको बैठक स्थगित भएको छ । संघीय निजामती सेवा विधेयकमा छलफल गर्न बस्ने भनिएको संसदको बैठक स्थगित भएको हो ।
आज दिउँसो एक बजे बैठक बस्ने तय भएको थियो । बैठकमा संघीय मामिला तथा सामान्य प्रशासन मन्त्रीलाई छलफलका लागि बोलाइएको थियो । तर मन्त्री उपत्यका बाहिर भएकाले बैठक स्थगित गरिएको हो ।
अब भोलि बिहान साढे ११ बजे बस्ने छ । बैठकमा संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयकमाथि दफावार छलफल हुने छ ।
