रुपन्देहीमा लामिछानेविरुद्ध मुद्दामा थुनछेक बहस जारी
थुनामा पठाउने, धरौटीमा छोड्ने वा साधरण तारेखमा राख्ने आदेश आउनेछ
विश्व दैनिक |
१० माघ, काठमाडौं । रुपन्देहीको बुटवलस्थित सुप्रिम बचत तथा ऋण सहकारी संस्था रकम अपचलन प्रकरणको आरोप लागेका राष्ट्रिय स्वतन्त्र पार्टीका सभापति एवम् पूर्वगृहमन्त्री रवि लामिछानेको बहस सुरु भएको छ ।
बुधबार मुद्दामा लामिछानेको बयानपछि बिहीबार बिहान साढे १० बजे उपस्थित हुने गरी परिवार र कानुनी व्यवसायीको जिम्माजमानीमा छाडिएको थियो। सोहीअनुसार लामिछाने करिब साढे १० बजे अदालतमा हाजिर भएका थिए ।
बुधबार बयानमात्रै सकिएर थुनछेक बहस नभएपछि उनलाई परिवार र वकिलको जिम्माजमानीमा छाडिएको थियो । सोही अनुसार लामिछाने बिहीबार अदालतमा उपस्थित भएका हुन् । उनको मुद्दा जिल्ला न्यायाधीश प्रल्हादकुमार योगीको इजलासमा रहेको छ ।
द्दामा पीडितको तर्फबाट जिल्ला सरकारी वकिल कार्यालका न्यायाधिवक्ता प्रेमराज पौडेल सहित गोकर्ण घिमिरे, बसन्त पोख्रेलले बहस गर्ने र महान्यायाधिवक्ता कार्यालयले उच्च अदालत तुलसीपुर, बुटवलबाट वकिल खटाएको अवस्थामा त्यहाँबाट पनि वकिल बहस गर्ने बुझिएको छ ।
त्यस्तै प्रतिवादी रहेका लामिछानेको तर्फबाट सुशिलदेव पन्तको नेतृत्वमा बहस गर्ने तयारी छ । दुवै तर्फका कानुन व्यवसायीहरूको बहस सकिएपछि ईजलासबाट पुर्पक्षाका लागि थुनामा पठाउने, धरौटीमा छोड्ने वा साधरण तारेखमा राख्ने आदेश आउनेछ।
