पोखराको शिवचोकमा खुल्यो कजरियाको सोरुम

१५ माघ, काठमाडौं । पोखराको शिवचोकमा भारतको अग्रणी टायल उत्पादक कम्पनी कजरियाले नयाँ सोरुम खोलेर नेपालमा उपस्थिति विस्तार गरेको छ । धौला श्री सप्लायर्सद्वारा सञ्चालित सोरुमको उद्घाटन आइतबार भएको थियो ।

पोखरा चेम्बर अफ कमर्सका अध्यक्ष गोकर्ण कार्कीको कार्यक्रममा प्रमुख आतिथ्यता रहेको थियो । कार्यक्रममा बोल्दै कजरियाका निर्देशक हिमांशु अग्रवालले नयाँ सोरुमको बारेमा उत्साह व्यक्त गरे ।

उनले भने, ‘पोखरा प्रिमियम बजार हो, यहाँ कजरिया टाइल्सको माग सधैं उच्च रहँदै आएको छ । पोखराका जनताले कजरियालाई निरन्तर माया र विश्वास गर्दै आएका छन् । त्यसैले हामीले उनीहरूलाई उत्कृष्ट कजरिया टाइल्समा सहज पहुँच सुनिश्चित गरेका छौं । यो सोरुमले उच्च गुणस्तरका उत्पादन र सेवाहरू प्रदान गर्ने हाम्रो प्रतिबद्धतालाई संकेत गर्दछ ।’

रमेश कर्प र भारतको अग्रणी टाइल उत्पादक कजरिया सेरामिक्स लिमिटेडको संयुक्त उद्यम कजरिया रमेश टाइल्स लिमिटेडले नवलपरासीमा नेपालको सबैभन्दा ठूलो टाइल उत्पादन प्लान्ट स्थापना गरेको छ ।