बलात्कार मुद्दाका थुनुवा पाटन अस्पतालबाट फरार
शौचालय जाने भनेर छिरेका उनी दिउँसो ११ बजेतिर फरार भएका हुन । उनी झ्यालबाट हामफालेर भागेको पाइएको छ ।
विश्व दैनिक |
७ चैत, काठमाडौं । ललितपुरको पाटन अस्पतालबाट बलात्कार मुद्दाका एक थुनुवा फरार भएका छन् ।
बुधबार दिउँसो अछाम घर भएका प्रहरी वृत्त सातदोबाटोको हिरासतमा रहेका थुनुवा दीपक साउद फरार भएका हुन् । थुनुवा साउद बिरामी भएपछि उपचारका लागि भन्दै पाटन अस्पताल लगिएको थियो ।
सो क्रमा शौचालय जाने भनेर छिरेका उनी दिउँसो ११ बजेतिर फरार भएका हुन । उनी झ्यालबाट हामफालेर भागेको पाइएको छ ।
फरार थुनुवाको खोजी भइरहेको जिल्ला प्रहरी परिसर ललितपुरका एसपी तथा प्रवक्ता नरहरी रेग्मी बताउँन् । ‘शौचालय जाने निहुँ बनाएर भागेको देखिएको छ । घटनाबारे अनुसन्धान गर्दैछौं,’ एसपी रेग्मीले भने ।
