रविन्द्र मिश्र र धवल शमसेरसहित १७ जना पक्राउ, दुर्गा प्रसाईं फरार
आन्दोलनका क्रममा गोली लागेर एक जना आन्दोलनकारी र घरमा भएको आगजनीमा परेर एक पत्रकारको ज्यान गएको छ ।
विश्व दैनिक |
१६ चैत, काठमाडौं । काठमाडौंको तीनकुनेलगायत क्षेत्रमा राजावादीको आन्दोलनका क्रममा ठूलो जनधनको क्षति भएपछि रविन्द्र मिस्र, धवलशमसेर सहित १७ जना पक्राउ परेका छन् । दुर्गा प्रसाईं भने फरार भएका छन् ।
प्रहरीका अनुसार, राजावादी मोर्चाको कमाण्ड सम्हालेका प्रसाईंको शुक्रबार दिउँसैबाट खोजी भइरहेको छ ।
शुक्रबार राती पक्राउ पर्नेहरूमा राप्रपाका वरिष्ठ उपाध्यक्ष रवीन्द्र मिश्र राजावादी समूहको आन्दोलन परिचालन समितिका संयोजक धवलशमशेर राणा, सेफोर्ड लिम्बु, सन्तोष तामाङ, स्वागत नेपाल रहेका छन् । उनीहरूलाई प्रचलित ऐनअनुसार विभिन्न कसूरमा पक्राउ गरिएको प्रहरीले जनाएको छ ।
प्रहरीसँगको झडपका क्रममा १२ जनालाई भने शुक्रबार दिउँसै पक्राउ गरिएको थियो । आन्दोलनका क्रममा गोली लागेर एक जना आन्दोलनकारी र घरमा भएको आगजनीमा परेर एक पत्रकारको ज्यान गएको छ ।
ढुंगामुढा र आगजनीका घट्ना भएपछि जिल्ला प्रशासन कार्यालय काठमाडौंले लगाएको निशेधाज्ञा बिहान सातवजेसम्म बढाइएको छ ।
शुक्रबार दिउँसो तीनकुनेमा प्रसाईंको कमाण्डमा भएको हिंसात्मक प्रदर्शनका कारण अवस्था तनावग्रस्त बन्न पुगेको हो।
