प्रधानमन्त्री ओलीले भोलि संसदमा सम्बोधन गर्ने
नेपाल विद्युत प्राधिकरणका कार्यकारी निर्देशक कुलमान घिसिङको बखास्तीको विषयलाई विपक्षी दलहरूले संसद अवरोध गर्दै आएका छन्।
विश्व दैनिक |
१७ चैत, काठमाडौं । प्रधानमन्त्री केपी शर्मा ओलीले भोलि संसद बैठकमा सम्बोधन गर्ने कार्यक्रम तय भएको छ।
बैठकमा एमाले मुख्य सचेतक महेशकुमार बर्तौलाले प्रधानमन्त्रीले भोलि १८ गतेको बैठकमा सम्बोधन गर्ने जानकारी गराएका थिए भने उनले संसद अवरोध खुलाउने विषयमा प्रधानमन्त्री र विपक्षी दलका नेताबीच टेलिफोन संवाद भएको जानकारी दिए।
नेपाल विद्युत प्राधिकरणका कार्यकारी निर्देशक कुलमान घिसिङको बखास्तीको विषयलाई विपक्षी दलहरूले संसद अवरोध गर्दै आएका छन्। उनीहरूले घिसिङलाई बर्खास्त गर्नुको कारणबारे प्रधानमन्त्रीले जवाफ दिनुपर्ने माग गरेका छन्।
