दुबइ पुगेका सल्यानका युवराजले ७६ लाख ब्लड मनी तिर्नुपर्ने
उनका परिवारले थापाको उद्धारको लागि विदेशमा रहेका सम्पूर्ण नेपालीहरूलाई जति सक्दो आर्थिक रूपमा सहयोग गरिदिन अनुरोध गरेका छन्।
विश्व दैनिक |
२१ चैत, काठमाडौं । वैदेशिक रोजगारीको क्रममा दुबइ पुगेका सल्यान त्रिवेणी गाउँपालिका ६ का युवराज थापाले ७६ लाख रुपैयाँ ब्लड पनि क्षतिपूर्ति तिर्नुपर्ने भएको छ। थापा रोजगारीको क्रममा सन् २०७९ सालमा फस्ट सेक्रेटी ग्रुप नामक कम्पनीमा लाइफ गार्डको रूपमा दुबइ पुगेका थिए।
थापाको आफन्तका अनुसार दुबइमा रहेको हयात होटेलको स्विमिङ पूलमा लाइफ गार्डको रूपमा कार्यरत थापा कामको समयमा एकजना कंगो नागरिकको स्विमिङ पुलमा हृदयघातबाट मृत्यु भएको थियो थियो। उक्त समयमा मृतकका परिवारले थापालाई दोष लगाई उनीमाथि दुवै अदालतमा मुद्दा जाहेर गरेका थिए।
मुद्दा जाहेरी गरेसँगै दुबइको अदालतले थापालाई दोषी ठहर गर्दै परिवारको हकवालालाई दुई लाख दुवइ दिराम ब्लडमणि मार्फत रकम बुझाउनुपर्ने फैसला गरेको थियो जसको नेपाली रुपैयाँ ७६ लाख हुन जान्छ ।
परिवारका अनुसार घटना सन् २०२३ मा भएको हो। उनका परिवारले थापाको उद्धारको लागि विदेशमा रहेका सम्पूर्ण नेपालीहरूलाई जति सक्दो आर्थिक रूपमा सहयोग गरिदिन अनुरोध गरेका छन्।
साथै उनकी श्रीमती अन्जना केसी थापाका अनुसार हालसम्म सहयोग स्वरूप ११ लाख रुपैयाँ मात्र सङ्कलन भएको र अब ब्लड मनी बुझाउनुपर्ने समय एक महिनामात्र रहेकोले थापाको जीवन रक्षाको लागि जति सक्दो चाँडो सहयोग गरिदिनुहुन नेपाल सरकार , सम्पूर्ण नेपालीहरूलाई अनुरोध गरेकी छिन्।
दुबईमा रहेका सम्पूर्ण कार्यरत नेपाली , एनआरएन, संघसंस्था समुदाय र थप दूतावासलाई समेत आवश्यकता अनुसारको सहयोग गर्न आग्रहसमेत गरेकी छन्।
आर्थिक सहयोगको लागि नेपालमा रहेको लक्ष्मी बैंकको एकाउन्ट होल्डर अन्जना केसी थापा, एकाउन्ट नम्बर ०४ ०२३०१८४२० श्रीनगर ब्रान्च रहेको बताएकी छन्।
