तीनकुने घटना : संविधान उल्ट्याउने उद्देश्यले प्रेरित भएको गृहमन्त्री लेखकले बताए
तीनकुनेमा भएको कार्यक्रम हिंसात्मक, अमानवीय, अमर्यादित र उच्छृंखल ढंगले भएको उनको भनाइ छ ।
विश्व दैनिक |
२२ चैत, काठमाडौं । गत चैत १५ गते तीनकुनेमा भएको प्रदर्शन नेपालको संविधान उल्ट्याउने, राज्यव्यवस्थालाई समाप्त गर्ने उद्देश्यबाट प्रेरित भएको गृहमन्त्री रमेश लेखकले बताएका छन् ।
संसदको राज्य व्यवस्था तथा सुशासन समितिमा घटनाबारे जवाफ दिंदै गृहमन्त्री लेखकले भने, ‘यसमा कुनै भ्रम र द्विविधा छैन । यो प्रदर्शन नेपालको संविधान उल्ट्याउने, राज्यव्यवस्थालाई समाप्त गर्ने उद्देश्यबाट प्रेरित थियो ।’
राजावादीहरुले आयोजना गरेको उक्त प्रदर्शन शान्तिपूर्ण धारणा राख्ने, सरकारलाई खबरदारी गर्ने र आलोचना गर्ने उद्देश्यले नगरिएको उनको दाबी छ ।
तीनकुनेमा भएको कार्यक्रम हिंसात्मक, अमानवीय, अमर्यादित र उच्छृंखल ढंगले भएको उनको भनाइ छ ।
