एनएसएल २०२५ : धनगढी र ललितपुरले अंक बाँडे

२३ चैत, काठमाडौं । एनसेल नेपाल सुपर लिग (एनएसएल) मा ललितपुर सिटी एफसी र धनगढी एफसीबीचको खेल गोल रहित बराबरीमा सकिएको छ।

दशरथ रंगशालामा शनिवार दोस्रो खेलमा ललितपुरले दबाब बनाउँदै गोल गर्ने मौका सिर्जना गरपनि गोल गर्न सकेन। पहिलो खेलमा ४ गोल गरेको धनगढीले आज संघर्ष गर्यो।

दुवै टोलीलेल खेलमा गोल गर्ने केही अवसर बनाएपनि सदुपयोग गर्न नसक्दा बराबरीमै चित्त बुझाएका हुन् ।

ललितपुरको यो दोस्रो बराबरी हो भने धनगढीको पहिलो बराबरी हो । ३ खेलबाट ५ अंक जोडेको ललितपुर दोस्रोमा छ भने २ खेल मात्र खेलेको धनगढी ४ अंकसहित तेस्रोमा छ ।