वीरगञ्ज तनावग्रस्त, कर्फ्यु लगाउने तयारी
शनिबार दिउँसो हिन्दू र मुस्लिम समुदायबीच झडप हुँदा वीरगञ्जको अवस्था तनावग्रस्त बनेको छ ।
विश्व दैनिक |
३० चैत, काठमाडौं । पर्साको वीरगञ्जमा कर्फ्यु लगाउने तयारी भएको छ ।
शनिबार दिउँसो हिन्दू र मुस्लिम समुदायबीच झडप हुँदा वीरगञ्जको अवस्था तनावग्रस्त बनेको छ ।
अवस्था तनावग्रस्त बनेपछि अहिले प्रशासनले कर्फ्यु लगाउने तयारी गरेको वीरगन्ज महानगरपालिकाका मेयर राजेशमान सिंहले जानकारी दिए ।
हनुमान जयन्तीको शोभायात्रा निकाल्ने क्रममा छप्कैया चोकमा दुई समुदायबीच झडप भएको थियो । अहिले पनि त्यहाँको अवस्था तनावग्रस्त नै रहेको उनले बताए ।
‘दुवै पक्ष आक्रोशित नै छन् । कर्फ्यु जारी गर्ने तयारी गरिएको छ । भर्खरै सीडीओसाब सँग पनि कुराकानी भएको छ,’ उनले भने ।
सोही क्रममा केही पसलहरूमा आगजनी समेत गरिएको छ । झडपमा केही स्थानीय र प्रहरी समेत घाइते भएका छन् ।
झडपपछि वीरगञ्जमा ठूलो संख्यामा प्रहरी परिचालन गरिएको छ ।
