आजदेखि काठमाण्डौ प्लाजामा निःशुल्क पार्किङको सुबिधा

७ मंसिर, काठमाण्डौ   काठमाण्डौ महानगरपालिकाले आफ्नो कार्यालय रहेको काठमाण्डौ प्लाजामा आजबाट निःशुल्क पार्किङ उपलब्ध गराउने भएको छ ।
आजदेखि बेलुकी साढे ५ बजेदेखि राति ११ बजेसम्म काठमाण्डौ प्लाजा पार्किङका लागि उपलब्ध हुने महानगरले जनाएको छ ।
प्रशासन विभागका प्रमुख ध्रुवकुमार काफ्लेले यो सुविधापछि कमलादी, पुतलीसडक, दरबार मार्ग, हात्तीसार, कमलपोखरीलगायत ठाउँको यातायात आवागमन र पार्किङ्मा सहजता हुने बताउनु भयो ।
महानगर प्रहरी बलका प्रमुख राजुनाथ पाण्डेले पार्किङ व्यवस्थापन महानगर प्रहरी बलले गर्ने जानकारी दिनुभयो ।